நிறைய சாப்பிட்டதும் செரிமான கோளாறு வராம தடுக்க இதை செய்யுங்க? இதையெல்லாம் செய்யாதீங்க!

நாக்கு ருசியை தூண்டும் கொழுப்பு உணவுகள், எண்ணெய் உணவுகள் வயிறு முட்ட சாப்பிட்டால் சாப்பிட்ட பிறகு என்ன செய்ய வேண்டும், என்ன செய்ய கூடாது என்பதிலும் கவனமாக இருக்க வேண்டும். அதற்கு இந்த குறிப்புகள் உதவும்.

முக்கிய அம்சங்கள்:

• எண்ணெய் உணவுகளை எடுத்த பிறகு உடலில் சேரும் நச்சுக்களை வெளியேற்ற டீ டாக்ஸ் பானங்கள்உதவுகிறது.
• ஐஸ்க்ரீம் உண்பது கல்லீரல், வயிறு மற்றும் குடல்களில் எதிர்மறையான விளைவுகளை...

சாப்பிடும் போது எக்காரணம் கொண்டும் எடை அதிகரிக்க கூடாது என்பதில் கவனமாக அளவாக எடுப்பவர்கள் கூட சில நேரங்களில் அளவை மீறி விடுவதுண்டு. அதிலும் ப்ரெஞ்ச் பொரியல், பர்கர், பீட்சா, துரித உணவுகள் போன்ற கொழுப்பு உணவுகளை அதிகமாக எடுக்கும் போது எடை அதிகரிக்கவும் அஜீரணக்கோளாறுகளை தடுக்கவும் செய்ய வேண்டியவை செய்ய கூடாதாவை என்ன என்பதை தொடர்ந்து பார்க்கலாம்.

எண்ணெய் மிகுந்த இந்த உணவுகளில் டிரான்ஸ் கொழுப்புகள் மற்றும் நிறைவுற்ற கொழுப்புகள் உள்ளன. இது எடை அதிகரிப்பதற்கும், கொழுப்பு மற்றும் இரத்த அழுத்தத்தை அதிகரிப்பதற்கும் மற்றும் டைப் 2 நீரிழிவு இதய நோய் அபாயத்தை அதிகரிக்கும். அதனால் தான் நொறுக்குத்தீனிகள் அல்லது வறுத்த உணவுகளை தவிர்க்கவோ அல்லது கவனமாக இருக்கவோ அறிவுறுத்துவது உண்டு. எனினும் அதிகபடியான கொழுப்பு நிறைந்த உணவுகளை எடுத்த பிறகு அதன் தீங்கு குறைக்க என்ன செய்யலாம் என்பதை பார்க்கலாம்.

வெதுவெதுப்பான தண்ணீர்

எண்ணெய் உணவுகளை உட்கொண்ட பிறகு வெதுவெதுப்பான நீரை குடிப்பது செரிமான அமைப்பை ஆற்றவும் செயல்படுத்தவும் உதவுகிறது. நீர் ஊட்டச்சத்துக்கள் மற்றும் கழிவுப்பொருள்கள் வெளியேற்ற செய்கிறது. சூடான நீரை குடிப்பது ஊட்டச்சத்துக்களை அவற்றின் செரிமான வடிவத்தில் உடைக்க உதவுகிறது. ஆனால் போதுமான அளவு தண்ணீர் குடிக்கவில்லை என்றால் சிறுகுடல் செரிமானத்துக்கு உணவில் இருந்து தண்ணீரை உறிஞ்சி நீரிழப்பு மற்றும் மலச்சிக்கலை உண்டாக்கும்.

டீ டாக்ஸ் பானங்கள் எடுக்கலாம்

டீ டாக்ஸ் பானங்கள் எண்ணெய் உணவுகளை எடுத்துகொண்ட பிறகு உடலில் சேரும் நச்சுக்களை வெளியேற்ற உதவுகிறது. சில ஆராய்ச்சியாளர்கள் நச்சு நீக்க இதை எடுத்துகொள்ள அறிவுறுத்துகின்றனர். மேலும் இவை எடை இழப்புக்கு உதவுகின்றன. இந்த ஆய்வுகள் இறுதியானவை அல்ல.

கொரிய பெண்களை பற்றிய ஆய்வில் எலுமிச்சை சாறு குடிப்பது உடல் கொழுப்பை குறைத்து இன்சுலின் எதிர்ப்பை மேம்படுத்துவதாக காட்டுகிறது. எண்ணெய் உணவுகளை எடுத்துகொண்ட பிறகு இந்த எலுமிச்சை பானம் சேர்ப்பது நல்லது.

நடந்து செல்லுங்கள்

அதிக உணவு உட்கொண்ட பிறகு 30 நிமிடங்கள் நடப்பது செரிமானத்தை மேம்படுத்த செய்யும். இது வயிறு இயக்கத்தை ஊக்குவிக்கும். மேலும் உடல் எடையை குறைக்க உதவும். உடலை ரிலாக்ஸ் செய்ய உணவுகளை சாப்பிட்ட பிறகு30 நிமிடங்கள் நடப்பது நல்லது.

அடுத்த உண்வை திட்டமிடுங்கள்

உணவை முன்கூட்டியே திட்டமிடுவது ஒரு தூண்டுதலின் பேரில் குப்பை உணவு மற்றும் எண்ணெய் உணவுகளை உட்கொள்வதை தவிர்க்க உதவுகிறது. எனினும் காலை உணவை தவிர்க்க கூடாது. நாள் முழுக்க ஆரோக்கியமாக இருக்க காலை உணவு அவசியம். உணவில் காய்கறிகள் மற்றும் முழுதானியங்கள் சேர்த்துகொள்ளுங்கள். போதுமான தண்ணீர் மற்றும் பழச்சாறுகளை குடிப்பதன் மூலம் உங்களை நீரேர்றமாக வைத்திருப்பது நல்லது.

புரோபயாடிக் எடுத்துகொள்ளுங்கள்

புரோபயாடிக் எடுப்பது வழக்கமான செரிமான ஆரோக்கியத்தை சமநிலைப்படுத்த உதவுகிறது மற்றும் குடல் தாவரங்கள் மற்றும் நோய் எதிர்ப்பு சக்தியை மேம்படுத்துகிறது.

ஒரு கப் தயிர் எடுப்பதன் மூலம் எண்ணெய் உணவுகள் குடலில் சென்றாலும் அதை வலுப்படுத்த சுத்தப்படுத்த உதவும்.

அதிக பழங்கள் மற்றும் காய்கறிகள்

பழங்கள் மற்றும் காய்கறிகளை சேர்ப்பது பல்வேறு செயல்முறைகளை மேற்கொள்ள உடலுக்கு போதுமான வைட்டமின்கள், தாதுக்கள் மற்றும் நார்ச்சத்துக்களை வழங்க உதவுகிறது.

தினசரி ஒரு கிண்ணத்தில் பழங்களை துண்டுகளாக்கி எடுப்பதும் காய்கறிகளை உணவுக்கு நிகராக சேர்ப்பது புதிய காயகறிகளுடன் உணவை தொடங்குவதும் உங்களுக்கு ஆரோக்கியத்தை அளிக்கலாம்.

அடிக்கடி சுய இன்பம் செய்வது விந்தணுக்களை குறைக்குமா? ஆண் மலட்டுத்தன்மை குறித்த கட்டுக்கதைகள் என்னென்ன?

ஆழ்ந்த தூக்கம் நல்லது

தூக்கம் உங்கள் மனநிலையை அதிகரிக்க உதவுகிறது. ஹேங் ஓவரில் இருந்து உங்கள் மனநிலையை வெளியேற்றச் செய்கிறது. உடல், மனம், ஆன்மாவை தளர்த்துகிறது.

எண்ணெய் உணவுகளை சாப்பிட்ட பிறகு என்ன செய்ய கூடாது

எண்ணெய் உணவுகள் அதிகமாக எடுத்த பிறகு குளிர்ந்த உணவுகளை தவிர்க்க வேண்டும். ஐஸ்க்ரீம் போன்ற குளிர்ந்த உணவுகளை உண்பது கல்லீரல், வயிறு மற்றும் குடல்களில் எதிர்மறையான விளைவுகளை ஏற்படுத்துகிறது.

புரோபயாடிக்

எண்ணெய் உணவுகள் ஜீரணிக்க கடினமாக இருக்கும். குளிர்ந்த உணவை எடுக்கும் போது அது செரிமானத்தை மேலும் கடினமாக்குகிறது. இதனால் வீக்கம் மற்றும் அஜீரணம் உண்டாகலாம். அதிக குளிர்ந்த உணவுகளை எடுப்பதையும் குளிர்ந்த நீர் குடிப்பதையும் தவிர்க்க வேண்டும்.

சாப்பிட்ட உடனேயே படுக்கைக்கு செல்ல வேண்டாம். கனமான உணவுக்கு பிறகு படுக்கைக்கு செல்வது மோசமான ஆரோக்கியத்தை உண்டு செய்யும். குறிப்பாக இரவு உணவுக்கும் தூக்கத்துக்கும் இடையே எப்போதும் 2-3 மணிநேரம் இடைவெளி இருக்க வேண்டும். சாப்பிட்ட உடனேயே துங்குவதால் உணவு ஜீரணிப்பது கடினமாக இருக்கலாம். மேலும் வீக்கம் மற்றும் கொழுப்பு படிவதும் அதிகரிக்கலாம்.

நீங்கள் எண்ணெய் உணவை எடுத்துகொண்ட பிறகு இந்த குறிப்புகளை பின்பற்றுவது உங்கள் செரிமான மண்டலத்தை பாதுகாக்க செய்யும். இயன்றவரை அதிக எண்ணெய் பொருள்கள் கொண்ட உணவை தவிர்ப்பது அல்லது அளவாக எடுப்பது நல்லது. அப்படி எடுத்தாலும் மீதமுள்ள நாட்களில் சீரான உணவை உண்ணுங்கள்.