பங்குச்சந்தை - வருமான தரும் பங்குகளை கண்டுபிடிக்கும் 5 வழிமுறைகள்

 

குறைந்த அளவு தொகையை முதலீடு செய்தால் லாபம் பார்க்க முடியும் என பல கேள்வி முதலீட்டாளர் எப்போது இருந்து கொண்டே இருக்கும்.

பங்குச்சந்தை முதலீட்டில் நல்ல லாபம் காண வேண்டும் என்பதே அனைத்து முதலீட்டாளர்களின் எண்ணமாக உள்ளது. பங்குச்சந்தை எப்போது முதலீடு செய்ய வேண்டும், சந்தை இறங்கு சமயத்தில் முதலீடு செய்தால் நல்ல லாபம் கிடைக்குமா?, குறைந்த அளவு தொகையை முதலீடு செய்தால் லாபம் பார்க்க முடியும் என பல கேள்வி முதலீட்டாளர் எப்போது இருந்து கொண்டே இருக்கும். இந்த கேள்விக்கெல்லாம் ஒரே பதில் சரியான நிறுவனத்தின் பங்கில் முதலீடு செய்தால் நல்ல லாபத்தை பார்க்கலாம். லாபம் தரும் பங்குகளை எப்படி அடையாளம் காண்பது என்பதைப் பார்ப்போம்.

கடன் இல்லாத நிறுவனங்கள்

சரியான பங்குகளை தேர்வு செய்வதற்கு சின்ன சின்ன விஷயங்களை கவனித்தாலே போதும். நம் முதலீடு செய்ய நினைக்கும் நிறுவனத்தின் கடன் எவ்வளவு உள்ளது என்பதை முதலில் கவனிக்க வேண்டும். பங்குச்சந்தை வர்த்தகத்தில் பட்டியலிடப்படும் நிறுவனத்துக்கு எவ்வளவு கடன் உள்ளதை பார்க்க வேண்டும். நிறுவனங்கள் கடன் வாங்காமல் தொழிலை நடத்த முடியாது. ஆனால் கடன் அதிகமாக இருக்கும் போது அதற்கு குறிப்பிட்ட அளவு தொகையை வட்டியாகவே செலுத்த வேண்டியிருக்கும். இது நிறுவனத்தின் லாபத்தை குறைக்கும். மிக குறைந்த அளவில் கடன் இருந்தால், அதை பெரியதாக எடுத்து கொள்ள தேவையில்லை. மேலும் அந்நிறுவனம் வாங்கிய கடனை எப்படி திரும்ப செலுத்துகிறது என்பதையும் கவனிக்க வேண்டும். கடன்களை வேகமாக திரும்ப செலுத்துகிறாதா என்பதை கவனத்தில் கொண்ட வேண்டும்.

டிவிடெண்ட் வழங்கும் நிறுவனம்

டிவிடெண்ட் வழங்கும் நிறுவனங்களில் முதலீட்டாளர்கள் அதிகம் விரும்பு முதலீடு செய்வார்கள். நிறுவனங்கள் தங்கள் கையில் இருக்கும் கையிருப்பை முதலீட்டாளர்களுக்கு டிவிடெண்டாக வழங்குவார்கள். மிக சிறப்பாக செயல்படும் நிறுவனங்கள் அனைத்தும் நீண்ட காலமாக தங்களின் முதலீட்டாளர்களுக்கு டிவிடெண்ட் கொடுத்து வருவார்கள். சந்தை சரியும் சமயங்களில் இந்த டிவிடெண்ட் தொகை கைக்கொடுக்கும்.

சிறப்பாக செயல்படும் நிறுவனங்களினால் மட்டும்தான் முதலீட்டாளர்களுக்கு டிவிடெண்ட் கொடுக்க முடியும்

நிறுவனத்தின் வளர்ச்சி

பங்குச்சந்தையில் வர்த்தகமாகும் நிறுவனத்தின் பொருட்கள் அல்லது சேவைக்கு மக்கள் மத்தியில் போதும் தேவை இருக்கும் நிறுவனங்களின் லாபமும், விற்பனையும் சிறப்பாக இருக்கும். எஃப்.எம்.சி.ஜி. துறையில் இருக்கும் பங்குகளின் பொருட்களுக்கு எப்போது சந்தையில் தேவை இருக்கும். அதாவது தினசரி பயன்படுத்து பொருட்களை தயாரிக்கும் நிறுவனங்களின் வளர்ச்சி அதிகமாக இருக்கும்.

அடுத்தது நிறுவனங்களின் அடுத்தக்கட்ட திட்டன் என்ன? எந்த மாதிரியான புராஜெக்ட்டுகளை எடுத்திருக்கிறார்கள் என்பதை கவனிக்க வேண்டும். அதனுடைய வளர்ச்சி எப்படி இருக்கும் என்பதையும் பார்க்க வேண்டும். அடுத்த நம் முதலீடு செய்யும் நிறுவனத்தின் போட்டி நிறுவனங்கள் அவற்றின் வளர்ச்சி எப்படி உள்ளது. அந்த துறையின் வளர்ச்சி எப்படி இருக்கிறது போன்றவற்றையும் கருத்து கொள்ள வேண்டும். மோனோபோலி நிறுவனம் எனில் அந்த நிறுவனத்தில் முதலீடு செய்யலாம். ஆனால் அந்த நிறுவனம் உற்பத்தி செய்யும் பொருட்களுக்கு சந்தையில் தேவை இருக்கிறதா என்பதை கவனிக்க வேண்டும்

நிறுவனத்தின் வரலாறு

முதலீட்டாளர்கள் முதலீடு செய்யும் நிறுவனத்தின் வரலாறு எப்படி உள்ளது என்பதை முக்கியமாக கருத வேண்டும். ஏனெனில் அந்த நிறுவனத்தி கடந்த ஐந்தாண்டு கால நிகர லாபம் எவ்வளவு, லாபம் தொடர்ந்து அதிகரித்து வருகிறதா என்பதை கூர்ந்து கவனிக்கவும். சீரான வளர்ச்சி வேகத்தில் நிறுவனம் இயங்கி வருகிறதா, சந்தையில் அந்த நிறுவனத்தின் நன்மதிப்பு என்ன? என்பதைப் பார்க்க வேண்டும்.

முதலீட்டின் மீதான் வருவாய் (Return on equity)

நம் தேர்ந்தெடுக்கும் பங்கின் ரிட்டன் ஆன் ஈக்விட்டி எவ்வளவு உள்ளது என்பதை கவனிக்க வேண்டும். அதாவது ஒவ்வொரு பங்கிற்கும் அதன் அடிப்படை விலை நிர்ணயிக்கப்படிருக்கும். அடிப்படை விலையில் வெளியீடப்பட்ட பங்கு தற்போது எவ்வளவு ரூபாய் வர்த்தகமாகிறது என்பதை கவனிக்க வேண்டும். அதாவது ஒரு பங்கின் விலை 10 ரூபாய் என வைத்து கொண்டால், தற்போது அந்த பங்கு 100 ரூபாய்க்கு சந்தையில் வர்த்தகமாகிறது என வைத்துக் கொள்வோம். இப்போது அந்த பங்கின் ரிட்டன் ஆன் ஈக்விட்டி 100 சதவிகிதம் ஆகும்.

மேலும் நிறுவனத்தின் நிகர லாபம் எவ்வளவு என்பதை பார்த்திலிருந்து, டிவிடெண்ட் வழங்கப்பட்ட தொகையை கழிக்க வேண்டும். அதன்பின் அந்த நிறுவனத்தின் பங்குகளின் எண்ணிக்கை கணக்கிட்டு, அந்த எண்ணிக்கையினால் வகுக்க வேண்டும்.

அதாவது ஒரு நிறுவனத்தின் நிகரலாபம் ரூ. 1000 என வைத்து கொள்வோம், லாபத்தில் ரூ.200 யை முதலீட்டாளர்களுக்கு டிவிடெண்டாக வழங்கப்பட்டுள்ளது. தற்போது ரூ.800 இருக்கும். தற்போது அந்த நிறுவனத்தின் பங்குகள் எவ்வளவு எண்ணிக்கை சந்தையில் உள்ளன என்பதை பார்க்க வேண்டும். சந்தையில் 1000 பங்குகள் உள்ளது என நினைத்து கொள்வோம். இப்போது 800/1000 என்ற அந்த பங்கின் ரிட்டன் ஆப் ஈக்விட்டி 0.8 ஆகும். ரிட்டன் அப் ஈக்விட்டி அதிகம் உள்ள நிறுவனங்களில் முதலீடு செய்வது நல்லது.

பங்குச்சந்தையில் முதலீடு செய்வது மிகவும் எளிது. அந்த முதலீட்டை லாபகாரமாக மாற்றுவதற்கு சில நுணுக்கங்களை கட்டாயம் தெரிந்து வைத்து கொள்ள வேண்டும். மேற்கூறிய விஷ்யங்களை தொடர்ந்து கவனித்து வந்தால் பங்குச் சந்தை முதலீட்டில் நல்ல லாபம் பார்க்கலாம்