கோலிவுட்டில் மிகப்பெரிய ரசிகர் பட்டாளத்தைக் கொண்ட சூப்பர் ஸ்டாராக வலம் வந்த விஜய், அரசியலுக்கு வருவதாக அறிவித்த கையோடு, 'ஜனநாயகன் தான் என் கடைசி சினிமா' என்று சொல்லியிருந்தார். அன்றிலிருந்து பயங்கர ஹைப் ஏறிய படம்தான் எச்.வினோத் இயக்கிய 'ஜனநாயகன்'. பொங்கல் ரிலீஸாக வரவேண்டிய இந்தப் படம், சென்சார் பிரச்சினைகளால் ஆறு மாசம் தள்ளிப்போய் தியேட்டருக்கு வந்திருக்கிறது. படம் ரிலீஸாகும் நேரத்தில், நிஜமாகவே விஜய் தமிழ்நாட்டின் முதலமைச்சர் நாற்காலியில் அமர்ந்திருப்பது ஒரு சுவாரஸ்யமான தற்செயல் நிகழ்வு. தமிழ்நாடு சட்டமன்றத் தேர்தலுக்கு முன்பே ரிலீஸ் ஆகியிருக்க வேண்டிய இந்தப் படம், விஜய் திரையில் வந்து ஓட்டு கேட்பது போன்ற ஒரு ஃபீலைக் கொடுக்கிறது.
சிறையில் கைதியாக இருக்கும் விஜய் அந்த சிறைக்கு பாதுகாவலனாக இருக்கிறார். அவருக்கு உதவி செய்யும் போலீஸ் அதிகாரி கௌதம் வாசுதேவ் மேனன் உயர் அதிகாரிகளின் கோபத்துக்கு ஆளாகிறார். ஒரு விபத்திலும் இறந்து போகிறார்.
கௌதம் மேனனின் விருப்பப்படி அவரது மகள் மமிதா பைஜூவை ராணுவத்தில் சேர்த்து விட துடிக்கிறார் விஜய். அவருக்கு தொடர் பயிற்சிகள் அளித்து அவரை ராணுவத்தில் சேர்த்து விட முயற்சிகளை மேற்கொள்கிறார்.
இன்னொரு புறம் ஆப்பிரிக்காவில் பல கொலைகளை அரங்கேற்றி அந்த நாட்டையே சுடுகாடாக மாற்றிவிடும் பாபி தியோல் ஒரு பெரிய சதி திட்டத்தை இந்தியாவில் செயல்படுத்த முயற்சிக்கிறார். இந்திய கடற்படையை தாக்கி இந்தியாவுக்குள் நுழைகிறார்.
இந்த சூழலில் பாபி தியோலுக்கு எதிராக தெரிந்தும் தெரியாமலும் ஒரு விஷயத்தில் மாட்டிக்கொள்ளும் மமிதா பைஜூவை, கொலை செய்ய பாபி தியோல் முடிவு செய்கிறார். அவரை காப்பாற்றுவதற்காக மீண்டும் ஆயுதத்தை கையில் எடுக்கிறார் விஜய்.
மமிதா பைஜூவுக்கு பாதுகாவலராக இருக்கும் விஜய் பற்றி தெரிந்து பாபி தியோல் அதிர்கிறார். விஜய்யை பழி தீர்க்கத் துடிக்கிறார்.
பாபி தியோல் யார்? அவரது பின்னணி என்ன? விஜய்க்கும், அவருக்கும் உண்டான மோதல் என்ன? இந்தியாவில் அவர் செய்யத் துடிக்கும் சதி திட்டம் என்ன? இதை விஜய் முறியடித்தாரா, இல்லையா? என்ற பல்வேறு கேள்விகளுக்கு விடை சொல்கிறது பரபரப்பான மீதி கதை.
ஒன் மேன் ஆர்மியாக கதையை தாங்கி பிடித்துள்ளார் விஜய் ஆக்ரோஷமாகட்டும் மகளிடம் பாசம் காட்டுவதாகட்டும் இரு வேறு பரிமாணங்களில் மிரட்டியுள்ளார். நடனத்திலும் தான் மாஸ் என்பதை காட்டியுள்ளார். விஜய் ரசிகர்களுக்கு கொண்டாட்டம் உறுதி.
அழகான கதாநாயகியாக வந்து போகிறார் பூஜா ஹெக்டே. காதல் காட்சிகளில் கவனம் ஈர்க்கிறார்.
துறுதுரு நடிப்பால் கவர்கிறார் மமிதா பைஜூ.
வில்லத்தனத்தில் பாபி தியோல் மிரட்டுகிறார். பிரியாமணி, சுனில் உள்ளிட்டோரும் நடித்துள்ளனர்
பிரகாஷ் ராஜ், கஜராஜ் என அனைவருமே சிறப்பாக நடித்துள்ளனர்.
அனிருத் இசை ஆட்டம் போட வைக்கிறது. தளபதி கச்சேரி, ராவண மவண்டா பாடல்கள் சிலிர்ப்பூட்டுகிறது.
விறுவிறுப்பான காட்சிகள் படத்துக்கு பலம் சேர்க்கிறது.
விஜய் என்ற கூர்மையான ஆயுதத்தை மிகவும் பதமாக கூர் தீட்டி ஆக்ஷன் விருந்து படைத்துள்ளார் இயக்குனர் எச்.வினோத். இடைவேளை மற்றும் கிளைமாக்ஸ் காட்சிகள் ரசிகர்களுக்கு உற்சாகமூட்டும் காட்சிகளாக அமைந்துள்ளன.
ஜனநாயகன் ப்ளஸ் என்ன? மைனஸ் என்ன?
மமிதா பைஜுவுக்கு தமிழ் ரசிகர்கள் மத்தியில் இருக்கும் வரவேற்பை, இந்தப் படத்தின் முக்கியத்துவம் வாய்ந்த கதாபாத்திரம் காட்டுகிறது. வில்லன் கதாபாத்திரத்தில் நடித்துள்ள பாபி தியோலின் நடிப்பு நன்றாக இருந்தாலும் அவரின் கதாபாத்திரம் இன்னும் ஸ்ட்ராங்க் ஆக அமைத்திருக்கலாம் என்கிற உணர்வைக் கொடுக்கிறது. பிரகாஷ் ராஜின் கதாபாத்திரம், நாம் இதற்கு முன் பார்த்த அவருடைய பல கதாபாத்திரங்களை ஞாபகப்படுத்தினாலும், ரங்கசாமியாக அவர் சிறப்பாக நடித்துள்ளார்.
படத்தின் நீளம் 3 மணி நேரம் 3 நிமிடங்கள். இவ்வளவு நீளம் இருந்தும், தேவைக்கு அதிகமான துணைக்கதைகள் இருப்பது ஒரு குறை. தமிழ்நாடு தேர்தலுக்கு முன் ரிலீஸ் செய்ய வேண்டிய படம், விஜய்யின் கடைசிப் படம் என எச். வினோத் மீது பெரிய அழுத்தம் இருந்தது தெளிவாகத் தெரிகிறது. சத்யன் சூரியன் இந்தப் படத்திற்கு ஒளிப்பதிவு செய்துள்ளார். அனிருத் ரவிச்சந்தர் இசையமைத்துள்ளார். ஆனால், ஒவ்வொரு முறையும் செய்வது போல, இந்த முறை அனிருத்தால் பெரிய தாக்கத்தை ஏற்படுத்த முடியவில்லை. 'முதலமைச்சர் தளபதி விஜய்' என்ற டைட்டில் கார்டு முதல் முறையாகவும், அவர் சொன்னபடி கடைசி முறையாகவும் திரையில் தோன்றும் படம் இது. விஜய் என்ற என்டர்டெயினர் ரசிகர்களுக்கு யாராக இருந்தார் என்பதை படத்தின் எண்ட் கிரெடிட்ஸ் காட்டுகிறது. நிச்சயம் அவரது ரசிகர்கள் அவரை பெரிய திரையில் மிஸ் செய்வார்கள்.
0 Comments