தொடர்ந்து குறையும் தங்கம் விலை: இன்றைய நிலவரம்!

 

சென்னையில் செவ்வாய்க்கிழமை ஆபரணத் தங்கத்தில் விலை சவரனுக்கு ரூ.80 குறைந்து ஒரு சவரன் ரூ.73,200-க்கும், கிராமுக்கு ரூ.10 குறைந்து ஒரு கிராம் ரூ.9,150-க்கும் விற்பனை செய்யப்படுகிறது.

வெள்ளி விலை எந்தவித மாற்றமுமின்றி, அதே விலையில் நீடிக்கிறது.

கடந்த வாரம் புதன்கிழமை முதல்முறையாக ஒரு சவரன் ரூ.75 ஆயிரத்தைத் தொட்ட தங்கம் விலை, அதன்பின்னர் ஒருவாரமாக இறங்குமுகத்தில் உள்ளது.

வியாழக்கிழமை பவுனுக்கு ரூ.1,000 குறைந்து ரூ.74,040-க்கும், வெள்ளிக்கிழமை பவுனுக்கு ரூ.360 குறைந்து ரூ.73,680-க்கும், சனிக்கிழமை பவுனுக்கு ரூ.400 குறைந்து ரூ.73,280-க்கும், திங்கள் கிழமை மாற்றமின்றியும் விற்பனையானது.

தொடர்ந்து 4-வது நாளாக இன்று சவரனுக்கு ரூ.80 குறைந்து ஒரு சவரன் ரூ.73,200-க்கு விற்பனை செய்யப்படுகிறது.